محمود خان اچکزئی کی ایاز صادق پر بھرپور تنقید،قومی اسمبلی کمیٹیوں سےمستعفی ہونے کا اعلان 

(24 نیوز) پی کے میپ کے سربراہ اور اپوزیشن رہنما محمود خان اچکزئی  کی قومی اسمبلی کےسپیکر پر بھرپور تنقید ۔ قومی اسمبلی کی کمیٹیوں سے مستعفی ہونے کا اعلان کردیا۔

پارلیمنٹ ہاؤس میں میڈیا سے گفتگو کرتے ہوئے محمود خان اچکزئی نے اسپیکر قومی اسمبلی ایاز صادق پر تنقید کرتے ہوئے کہا کہ اسپیکر نے بے ایمانی کی۔ انہوں نے کہا کہ اسمبلی میں پی ٹی آئی کے چئیرمین بیرسٹر گوہر جیسے شریف آدمی کو بولنے کا موقع نہیں دیا اور شیر افضل مروت کو بات کرنے کی اجازت دے دی کہ وہ اپنی پارٹی کے خلاف بولیں گے۔انہوں نے کہا کہ ہم بچے نہیں، بڑے کھلاڑی ہیں، گندی مچھلی کو گدلے پانی میں بھی پہچان لیتے ہیں۔انہوں نےاس موقع پر  قومی اسمبلی کی کمیٹیوں سے مستعفی ہونے کا اعلان کیا۔

یہ بھی پڑھیں:محمود خان اچکزئی کی مولانا فضل الرحمان سے ملاقات،حکومت کو ٹف ٹائم دینے پر مشاورت