محکمہ موسمیات کی موسم سے متعلق اہم پیش گوئی

(روزینہ علی)محکمہ موسمیات نے ملک بھر میں موسم شدید سرد اور مطلع جزوی ابرآلود رہنے کی پیش گوئی کردی۔
محکمہ موسمیات کاکہنا ہے کہ وفاقی دارالحکومت اسلام آباد اور گر دو نواح میں موسم سرد اور خشک رہے گا، صبح کے اوقات میں بعض مقامات پر کہرا پڑنے کا امکان ہے۔
ادھر خیبرپختونخواکے بیشتر اضلاع میں موسم سرد اور خشک جبکہ بالائی اضلاع میں شدید سرد اور مطلع جزوی ابر آلود رہے گا،چارسدہ ، مردان، نوشہرہ ، صوابی ، پشاور، لکی مروت، بنوں، ڈیرہ اسماعیل خان اور گردونواح میں صبح اور رات کے اوقات میں شدید دھند چھائے رہنے کا امکان ہے۔

یہ بھی پڑھیں: ’’بلے ‘‘کا نشان ہمیں الاٹ کیا جائے، بڑی سیاسی جماعت نے الیکشن کمیشن سے درخواست کر دی
لیکن پنجاب کے بیشتر اضلاع میں موسم سرد اور خشک جبکہ مری، گلیات اور گر دو نواح میں شدید سرد رہے گا، بہا ولپور ،ساہیوال، اوکاڑہ ، قصور،لاہور ،سیالکوٹ، نارووال،گوجرانوالہ، جہلم ، منگلا،فیصل آباد، جھنگ،سرگودھا،منڈی بہاو¿الدین،ٹوبہ ٹیک سنگھ،خانیوال ،ملتان ، خان پور،رحیم یار خان ، حافظ آباد ،بھکر ،لیہ، ڈیرہ غا زی خان اور گر دو نواح میں شدید دھند / سموگ چھائے رہے گی۔ جس کے باعث صوبے کے بیشتر اضلاع میں دن کے درجہ حرات معمول سے کم رہیں گے،جبکہ خطہ پوٹھوہار میں صبح کے اوقات میں بعض مقامات پر کہرا پڑنے کی توقع ہے۔
ادھربلوچستان کے بیشتر اضلاع میں موسم سرد اور خشک جبکہ شمالی اضلاع میں شدید سرد اور جزوی ابرآلود رہے گا۔رپورٹ کے مطابق سندھ کے بیشتر اضلاع میں موسم سرد اور خشک رہے گا۔ جیکب آباد، موہنجوداڑو، سکھر، لاڑکانہ ، دادو، گھوٹکی، خیر پور ، کشمور اور پڈعیدن میں شدید دھند/سموگ چھائے رہنے کا امکان ہے، تاہم کشمیر اور گلگت بلتستان میں موسم شدید سرد اور خشک رہےگا۔

یہ بھی پڑھیں: ن لیگ کے ٹکٹ ہولڈرنے جہانگیر ترین کی حمایت کا اعلان کردیا