مری جنگلات میں بیک وقت 3 مقامات پر آگ لگ گئی

(حیدر علی)مری کے معروف سیاحتی مقام ملکہ کوہسار کے3 بڑے جنگلات میں بیک وقت آگ لگ گئی۔

 تفصیلات کے مطابق  آگ نے مری میونسپل فارسٹ، گھوڑاگلی اور ساملی رینج کے جنگلات کو اپنی لپیٹ میں لے لیا جس سے  علاقے میں اضطراب کی لہر دوڑ گئی ہے۔ 

آگ کی شدت کے باعث ریسکیو ٹیمیں فوری طور پر امدادی کاموں میں مصروف ہیں تاہم روڈ تک رسائی نہ ہونے کے باعث، امدادی ٹیموں کو پیدل ہی ریسپانس کرنا پڑ رہا ہے, یہ مشکل صورتحال امدادی کارروائیوں میں رکاوٹ ڈال رہی ہے۔

انتظامیہ کی جانب سے فوری طور پر آگ پر قابو پانے کی کوششیں جاری ہیں،آگ لگنے کی وجوہات تاحال سامنے نہیں آ سکیں۔ 

 یہ بھی پڑھیں : لاہور: ٹک ٹاک ویڈیو بنانے کے دوران گولی چلنے سے نوجوان جاں بحق