عالیہ بھٹ نے ہالی وڈ جانے کی تیاری کرلی۔۔

(ویب ڈیسک)بھارتی فلموں کی اداکارہ عالیہ بھٹ امریکی فلموں میں کام کرنے جارہی ہیں۔انہوں نے بین الاقوامی ایجنسی کے ساتھ معاہدہ  پر دستخط کرلئے ۔

بھارتی اخبار کی ویب رپورٹ کے مطابق 2012 میں ریلیزہونے والی کرن جوہر کی فلم ’سٹوڈنٹ آف دی ایئر‘ سے بالی ووڈ میں اپنے کیریئر کا آغاز کرنے والی عالیہ نے فلم انڈسٹری اور مداحوں کے درمیان اپنی شناخت بنالی ہے اور اب وہ ہالی ووڈ میں اپنا جلوہ بکھیرنے کے لئے تیار نظر آرہی ہیں، بتایا جارہا ہے کہ عالیہ بھٹ نے حال ہی میں ہالی ووڈ کی لیڈنگ انٹرنیشنل ٹیلنٹ مینجمنٹ ایجنسی کے ساتھ  معاہدہ  پر دستخط کر لئے ہیں، جس سے انہیں بڑے بڑے بین الاقوامی سٹارز کے ساتھ کام کرنے کا موقع مل سکے۔اداکارہ عالیہ بھٹ نے اس ایجنسی میں شامل ہونے کی خوشی کا اظہار سوشل میڈیا پر کیا ہے۔انہوں نے اپنی انسٹاگرام سٹوری میں مینجمنٹ ایجنسی کے استقبالیہ پیغام کوشیئر کرتے ہوئے ہارٹ ایموجی کے ساتھ اپنی خوشی کا اظہار کیا ہے۔

یہ بھی پڑھیں: جیکلن فرنانڈیز اور یامی گوتم نے فلم ’بھوت پولیس‘ کا پوسٹر ریلیز کر دیا