سپریم کورٹ نے عمران خان کو بےنقاب کر دیا، وزیر اعظم

(ویب ڈیسک ) وزیراعظم شہباز شریف کا کہنا ہے کہ عدم اعتماد ووٹ سے متعلق سپریم کورٹ کے فیصلے نے عمران خان اینڈ کمپنی کا جھوٹ بے نقاب کردیا۔

 تفصیلات کے مطابق وزیراعظم شہباز شریف نے ٹوئٹر پربیان میں کہا عدم اعتماد پر ووٹ سے متعلق سپریم کورٹ کے تفصیلی فیصلے نے عمران خان اینڈ کمپنی کا جھوٹ بے نقاب کردیا۔انہوں نے مزید کہا کہ عمران خان نے آئین کو پامال کرنے کی کوشش کی اورحکومت کی تبدیلی کا جھوٹ گھڑا جو انتہائی شرمناک ہے۔ عدالتی فیصلہ ہرایک کوپڑھنا چاہئیے۔

Honourable Supreme Court's detailed judgement on Vote of No Confidence exposes the lies & propaganda indulged in by Imran Khan & Co. Utterly shameful how IK tried to undermine the Constitution & manufactured the lie of "regime change". The judgement is a must read for everyone.

— Shehbaz Sharif (@CMShehbaz) July 14, 2022

واضح رہے کہ گزشتہ روز سپریم کورٹ نے ڈپٹی اسپیکر کی رولنگ کے خلاف ازخود نوٹس کا تفصیلی فیصلہ جاری کیا۔

سپریم کورٹ کے اکثریتی فیصلے میں لکھا گیا کہ ڈپٹی اسپیکر کا تحریک عدم اعتماد مسترد کرنے کا فیصلہ غیر آئینی ہے اور اسمبلیاں تحلیل کرنے کا حکم غیر قانونی قرار دیتے ہوئے کالعدم قرار دیا جاتا ہے۔

چیف جسٹس عمر عطا بندیال کے تحریر کردہ فیصلے میں کہا گیا ہے کہ بیرونی سازش سے متعلق کوئی انکوائری یا تحقیق نہیں کرائی گئی، سفارتی مراسلے سے متعلق فیصلہ کرنا ایگزیکٹیو کا کام ہے۔