فلور ملز ایسوسی ایشن کے بعد سیمنٹ ڈیلر نے ہڑتال کا اعلان کردیا

(24نیوز) فلو ملز کے بعد سیمنٹ ڈیلرز ایسوسی ایشن پاکستان نے بھی وِد ہولڈنگ ٹیکس مسترد کرتےہوئےآج رات 12 بجے سے ہڑتال کا اعلان کر دیا۔ 

 لاہور چیمبر میں ہوئے اجلاس میں ایسوسی ایشن کے عہدے داروں نے کہا کہ آج ہفتے کی رات 12 بجے کے بعد کوئی سیمنٹ ڈیلر کمپنیوں سے سیمنٹ نہیں اٹھائے گا، رہنماؤں کا کہنا تھا کہ ٹیکس ہدف بڑھاکر تاجروں اور صنعتکاروں کےلئے کاروبار کے مواقع کم کر دیےگئے، جتنا زیادہ ٹیکس لگے گا، لوگ اتنا زیادہ ٹیکس چوری کی طرف جائیں گے۔

رہنماؤں کا مزید کہنا ہے کہ سیمنٹ کی بوری کی قیمت 500 روپے ہونی چاہیے تھی جو 1500 روپے تک پہنچ گئی ہے، سیمنٹ ڈیلرز ایسوسی ایشن کے پاس ہڑتال پر جانے کے سوا کوئی چارہ نہیں۔

یہ بھی پڑھیں: ایک ماہ میں بھارت میں سبزیوں کی قیمت میں 29فیصد سے زائد کا اضافہ