ڈپٹی کمشنر اسلام آباد حمزہ شفقات بھی کورونا وائرس کاشکار

(24 نیوز)ڈپٹی کمشنر اسلام آباد حمزہ شفقات بھی کورونا وائرس کاشکارہو گئے،ڈی سی اسلام آباد نے کورونا ٹیسٹ مثبت آنے کے بعد خود کو گھر میں قرنطینہ کرلیا۔
حمزہ شفقات نے اپنے ٹوئٹ میں کہاہے کہ کورونا ٹیسٹ مثبت آیا ہے،عوام سے دعاﺅں کی درخواست ہے ۔

I have tested postive for covid -19. Request for prayers.

— Muhammed Hamza Shafqaat (@hamzashafqaat) March 14, 2021

واضح رہے کہ ملک بھرمیںگزشتہ 24 گھنٹے کے دوران کورونا سے مزید 32 افراد جاں بحق ہوگئے جس کے بعد اموات کی مجموعی تعداد 13 ہزار 508 ہو گئی ہے جبکہ وائرس سے متاثرایک ہزار 805 مریضوں کی حالت تشویشناک بتائی جارہی ہے۔ 
نیشنل کمانڈ اینڈ آپریشن سینٹر کے نئے اور تازہ ترین اعدادو شمار کے مطابق کورونا کی تیسری لہر سنگین ہوگئی ہے۔ گزشتہ 24 گھنٹوں کے دوران ملک میں کورونا کے مثبت کیسز کی شرح بڑھ کر 6.5 فیصد تک پہنچ گئی ہے جو کہ الارمنگ صورتحال ہے۔ این سی او سی کے مطابق ملک بھرمیں کورونامریضوں کی تعداد 6 لاکھ 5 ہزار 200 تک پہنچ گئی۔این سی او سی کے اعدادو شمار کے مطابق ملک بھرمیں 94 لاکھ 85 ہزار 702 کورونا ٹیسٹ کئے جاچکے ہیں۔24 گھنٹے میں کورونا کے مزید 2 ہزار 664 کیس رپورٹ ہوئے ہیں۔ 
سرکاری پورٹل کے مطابق سندھ میں کورونا کیسز کی تعداد سب سے زیادہ 2 لاکھ 61 ہزار 179 ہے، پنجاب ایک لاکھ 85 ہزار 468، خیبرپختونخوا 75 ہزار 725 جبکہ بلوچستان میں 19 ہزار 206 کیس رپورٹ ہوئے ہیں۔ وفاقی دارالحکومت اسلام آباد میں 47 ہزار 710، گلگت بلتستان میں 4 ہزار 960 کیسز ہیں، آزادکشمیرمیں کورونامریضوں کی تعداد 10 ہزار 952 تک پہنچ گئی ہے