اعتزاز احسن اور ان کی اہلیہ بشریٰ اعتزاز نے کورونا سے بچاﺅ کی ویکسین لگوا لی

(24نیوز)پاکستان پیپلزپارٹی کے رہنما اعتزاز احسن اور ان کی اہلیہ بشریٰ اعتزاز نے سینئرسٹیزن کے تحت کورونا سے بچاﺅ کی ویکسین لگوا لی ۔
کورونا سے بچاﺅ کی ویکسین لگوانے کے بعد اپنے پیغام میں اعتزاز احسن نے پنجاب حکومت کی تعریفوں کے پل باندھ دیئے،ان کاکہناتھا کہ ایکسپو سنٹر میں کورونا سے بچاﺅکے ٹیکے لگانے کیلئے بہت اچھے انتظامات کئے گئے ہیں اورکسی کو بھی کوئی پریشانی کا سامنا نہیں کرنا پڑا۔

Senior leader PPP Barrister Aitzaz Ahsan and his wife laud Govt of Punjab for such semaless & great arrangements at Vacicnation Center for COVID, whereas in SINDH, mostly the influential and their families are getting vaccinated.@UsmanAKBuzdar @Dr_YasminRashid @HealthPunjabGov pic.twitter.com/sWlAvKWpT0

— Samir Mir Shaikh (@samirmir) March 14, 2021

اعتزازاحسن کا کہناہے کہ چھٹی کا روز ہونے کی وجہ سے کورونا ویکسین لگوانے والے کا رش بہت زیادہ ہے لیکن انتظامیہ نے جس طرح کا اہتمام کیا ہوا ہے وہ قابل ستائش ہے،پی پی رہنما نے کہاکہ میں اورمیری اہلیہ انجکشن لگوانے کے بعدایکسپوسنٹر میں بیٹھے ہیں کیونکہ انجکشن لگوانے والوں کوجائزہ لینے کیلئے آدھے گھنٹے تک رکھا جاتا ہے،ان کا کہناہے کہ انجکشن لگوانے کے کوئی سائیڈ افیکٹ نہیں ہیں اور60 سال سے زائد عمر کے لوگوں یہ انجکشن ضرور لگوانا چاہئے۔