ملالہ یوسفزئی نے آسکرز کے میزبان جیمی کیمل کو لاجواب کردیا،ویڈیو وائرل

(ویب ڈیسک) نوبل امن انعام یافتہ ملالہ یوسفزئی نے آسکر ایوارڈز 2023ء کی تقریب میں میزبان جیمی کیمل کو لاجواب کردیا۔

آسکر ایوارڈز 2023ء کی تقریب میں ہر سال ایک مختصر سا سوال جواب کا سیشن ہوتا ہے جس میں میزبان شرکاء سے کچھ دلچسپ اور مزاحیہ سے سوال پوچھتا ہے اور تمام شرکاء کو پوچھے گئے سوالات کے جوابات دینے ہوتے ہیں۔

گزشتہ روز ہونے والے 95 ویں اکیڈمی ایوارڈز کی تقریب میں میزبان جیمی کیمل نے ملالہ یوسفزئی سے سوال کیا کہ’ میں سوچ رہا تھا کہ بطور کم عمر نوبل امن انعام یافتہ، کیا آپ کو لگتا ہے کہ ہیری اسٹائلز کرس پائن پر تھوکتے ہیں؟‘

View this post on Instagram

A post shared by Galaxy Lollywood (@galaxylollywood)

ملالہ یوسفزئی نے اس سوال کے جواب میں کہا کہ ’میں صرف امن کے بارے میں بات کرتی ہوں‘۔

مزید پڑھیں: ہارٹ سرجری کے بعد سشمیتا سین کا پہلا ریمپ واک سوشل میڈیا پر مقبول

جیمی کیمل نے ملالہ کے اس جواب پر اپنا ردِعمل دیتے ہوئے کہا کہ ’اسی لیے صرف آپ ملالہ ہیں اور کوئی دوسرا آپ کی جگہ نہیں لے سکتا‘۔

آسکر ایوارڈز کے دوران ہونے والی اس مختصر گفتگو کی ویڈیو سوشل میڈیا پر وائرل ہورہی ہے اور صارفین کی جانب سے دلچسپ تبصرے بھی کیے جارہے ہیں۔

The Queen of Hearts @Malala ???????????? pic.twitter.com/miSGsmN9W7

— Shad Begum / شاد بیگم (@ShadBegum) March 13, 2023

دوسری جانب ملالہ یوسفزئی  کو آسکر ایوارڈز 2023ء کی تقریب میں   شیئر کی گئی ویڈیوز میں سلور گاؤن  زیبِ تن کیا ہوا دیکھا جا سکتا ہے جس میں وہ بہت خوبصورت لگ رہی ہیں۔