(24نیوز)پاک بحریہ کا جہاز پی این ایس نصر زلزلہ زدگان کیلئے امدای سامان لے کر شام کی بندرگاہ لطاکیہ پہنچ گیا ۔
ترجمان پاک بحریہ کے مطابق امدادی سامان میں متاثرین کیلئے خیمے، کمبل، جنریٹرز، راشن، ادویات اور گرم کپڑے شامل ہیں۔
ترجمان پاک بحریہ کا کہنا تھا کہ شام کی بندرگاہ پہنچنے پر پاکستانی سفیر، شام کے اعلٰی سول و عسکری حکام نے جہاز کا پرتپاک استقبال کیا۔ پی این ایس نصر 1000 ٹن امدادی سامان لیکر جانے والا پاک بحریہ کا پہلا جہاز ہے۔ پاک بحریہ کے دوسرے جہاز پی این ایس معاون کو بھی امدادی سامان کیساتھ 12 مارچ کو روانہ کیا گیا۔
مزید پڑھیں: عمران خان کی گرفتاری کے بعد قیادت کون کرے گا ؟ پرویز الٰہی کی گیم کام کرگئی
ترجمان پاک بحریہ کا مزید کہنا ہے کہ پاکستانی قوم مصیبت کی اس گھڑی میں ترکیہ اور شام کے عوام کے ساتھ کھڑی ہے۔
یاد رہے پی این ایس نصر امدادی سامان کی شام میں ترسیل کے بعد ترکیہ روانہ ہوگا۔