ڈیرہ اسماعیل خان: بھائیوں میں جھگڑا،فائرنگ سے2 خواتین سمیت 4 افراد جاں بحق

(ساجد بلوچ) ڈیرہ اسماعیل خان بھائیوں میں جھگڑا شدت اختیار کر گیا، فائرنگ سے میاں بیوی اور بیٹی سمیت ایک ہی خاندان کے 4 افراد جاں بحق ہو گئے۔

 تفصیلات کے مطابق  ڈیرہ اسما عیل خان  کے علاقہ شیر کہنہ میں بھائیوں  کے درمیان جھگڑا میں فائرنگ سے 4 افراد جاں بحق اور 2 زخمی ہو گئے، پولیس کے مطابق جاں بحق ہونے والوں میں میاں، بیوی، بیٹی اور ایک رشتے دار شامل ہے.

  یہ بھی پڑھیں:رمضان المبارک کاپہلا عشرہ: مسجدالحرام میں زائرین کی آمد کا نیا ریکارڈ

لاشوں اور زخمیوں کو ہسپتال منتقل کر دیا گیا ہے،پولیس کے مطابق وجہ عداوت تاحال معلوم نہ ہوسکی ۔

جاں بحق ہونے والوں میں 55سالہ  سعد اللہ ، 24سالہ ابوبکر ، 2 خواتین  شامل ہیں جبکہ زخمیوں میں 14 سالہ اسامہ اور 10 سالہ طفیل  شامل ہیں۔