جنوبی وزیرستان : مسجد میں دھماکا، جے یو آئی کے ضلعی امیر سمیت متعدد افراد زخمی

( 24  نیوز )جنوبی وزیرستان کے اعظم ورسک بازار کی مسجد میں دھماکے سے جے یو آئی کے ضلعی امیر سمیت متعدد افراد کے زخمی ہو گئے۔

پولیس کے مطابق دھماکا اعظم ورسک کی مسجد میں دھماکا ہوا، دھماکے میں کئی افراد کے زخمی ہونے کی اطلاعات ہیں,  دھماکہ نماز جمعہ کے دوران ہوا، جے یوآئی کے ضلعی امیر عبداللہ ندیم کو تشویشناک حالت میں ہسپتال منتقل کر دیا گیا ۔

ڈی پی او آصف بہادر نے  بتایا کہ دھماکا خیز مواد مسجد میں نصب تھا، دھماکے میں جے یوآئی کے ضلعی امیر عبداللہ ندیم سمیت کئی افراد زخمی ہوئے۔

واقعہ کی اطلاع ملتے ہی ریسکیو ٹیمیں اور سکیورٹی فورسز موقع پر پہنچ گئیں، ریسکیو ٹیموں کی جانب سے زخمیوں کو ہسپتال منتقل کیا جارہا ہے جبکہ سکیورٹی فورسز نےعلاقے کو گھیرے میں لے لیا ہے۔

مولانا عبداللہ ندیم پر اس سے پہلے بھی کالوشہ کے مقام پر ریموٹ کنٹرول دھماکہ ہواتھا۔جس میں وہ زخمی ہوگئے تھے۔