وزیراعظم سے ایمل ولی خان کا ٹیلی فونک رابطہ، حالات پر اہم مشاورت

(اویس کیانی)وزیراعظم شہباز شریف اور مرکزی صدر اے این پی ایمل ولی خان کے درمیان ٹیلیفونک رابطہ ہوا ہے، جس کے دوران بلوچستان اور خیبر پختونخوا کے حالات پر اہم مشاورت کی گئی ہے۔

اس دوران ایمل ولی خان نے وزیراعظم کو تمام اسٹیک ہولڈرز کے ساتھ مل بیٹھنے کی تجویز دی، دہشت گردی کے خاتمے کے لیے سیاسی مفادات سے بالاتر ہو کر قومی لائحہ عمل کی ضرورت پر زور دیا۔

وزیراعظم شہباز شریف نے ایمل ولی خان کی تجویز سے اتفاق کرتے ہوئے ہفتے کے اندر اہم اجلاس پر آمادگی ظاہر کر دی۔

دونوں رہنماؤں کے درمیان ملک میں امن و استحکام کے لیے مشترکہ حکمت عملی اپنانے پر اتفاق ہوا۔

خیبر پختونخوا اور بلوچستان کے عوام کے تحفظ اور ترقی کے لیے مشترکہ کوششوں پر زور دیا گیا۔