ملک  بھرمیں طویل لوڈشیڈنگ جاری۔ عوام پریشان

 (ویب ڈیسک) ملک بھر میں بجلی کی طویل لوڈشیڈنگ کا سلسلہ جاری، بجلی کی پیداوار اور طلب میں فرق ساڑھے 4ہزار میگاواٹ سے تجاوز کر گیا۔

بجلی کی لوڈشیڈنگ سے تنگ عوام کا کہنا ہے کہ نہ دن کو سکون ہے اور نہ رات کو چین ہے ،کاروبار تباہ ہو چکے ہیں،کوئی پوچھنے والا نہیں،عوام نے اعلیٰ حکام سے مطالبہ کیا ہے کہ لوڈشیڈنگ کا سلسلہ ختم کیا جائے۔

خیال رہے کہ ن لیگ کی حکومت نے یکم مئی سے لوڈشیڈنگ ختم کرنے کا اعلان کیا تھا لیکن اس پر عمل درآمد نہیں ہو سکا ۔