"جنٹلمین" کی پہلی قسط نے صارفین کی تعریفیں سمیٹ لی
Stay tuned with 24 News HD Android App
(24 نیوز) گرین انٹرٹینمنٹ اور خلیل الرحمٰن قمر کے اشتراک سے بننے والا ڈرامہ سیریل "جنٹلمین" کی پہلی قسط نے نشر ہوتے صارفین کی تعریفیں سیمٹ لی، جس کی سب سے اہم وجہ ہمایوں سعید اور یمنہ زیدی کی کیمسٹری ہے۔
تفصیلات کے مطابق جنٹلمین ایک نیا پاکستانی ڈرامہ سیریل ہے جس میں ستاروں سے بھرپور کاسٹ شامل ہے،ڈرامہ سیریل کی ہدایت کاری حسام حسین نے کی ہے،اسےگرین انٹرٹینمنٹ پروڈکشن کے بینر تلے ثمینہ ہمایوں سعید اور ثنا شاہنواز نے پروڈیوس کیا ہے،یہ کہانی مشہور پاکستانی مصنف خلیل الرحمان قمر نے لکھی ہے.
ڈرامے کی کاسٹ میں معروف اداکارہ ہمایوں سعید ، معروف اداکارہ یمنہ زیدی سمیت زاہد احمد، سوہائے علی ابڑو، احمد علی بٹ، عدنان صدیقی،خالد انعم، ثاقب سمیر اور فہیمہ اعوان جیسے بڑے پاکستانی اداکار شامل ہیں۔
خیال رہے کہ ڈرامے کی کہانی کراچی کے غنڈوں اور اشرافیہ کے درمیان جنگ کے گرد گھومتی ہے۔
ڈرامہ سیریل کی پہلی قسط ریلیز ہوتے ہی صارفین کی توجہ کا مرکز بن گئی ، شائقین نے ڈرامہ نگاری اور خوبصورتی کے ساتھ کی گئی ہدایت کار ی کو پسند کیا، انہیں خلیل الرحمان قمر کی غیر معمولی کہانی اور شاندار انداز میں لکھے گئے مکالمات کی تعریف کی جبکہ مداحوں کی جانب سے ہمایوں سعید کی کردار منا بے حد پسند کیاگیا۔
زیادہ تر ناظرین کا کہنا تھا کہ وہ ڈرامہ سیریل جنٹلمین صرف ہمایوں سعید اور خلیل الرحمان قمر کی وجہ سے دیکھ رہے ہیں۔