راج کمار راؤ نے گرل فرینڈ کو منگنی کی انگوٹھی پہنا دی
Stay tuned with 24 News HD Android App
(مانیٹرنگ ڈیسک)بھارتی اداکار راج کمار راؤ اور اُن کی گرل فرینڈ پترالیکھا کی شادی کی تقریبات کا آغاز ہوگیا ہے۔
میڈیا رپورٹس کے مطابق بالی ووڈ اداکار راج کمار راؤ اور اُن کی گرل فرینڈ پترالیکھا بالآخر رواں ماہ شادی کے بندھن میں بندھ رہے ہیں، جوڑے نے گزشتہ روز اپنی منگنی کی تقریب کا انعقاد کیا تھا۔
منگنی کی تقریب کی تھیم سفید رکھی گئی تھی جس میں اس جوڑے سمیت تمام شرکاء نے سفید لباس پہنے تھے۔ راج کمار راؤ کی شادی کی تاریخ اور مقام بھی سامنے آگیا ہے۔
ویڈیو میں دیکھا جا سکتا ہے کہ راج کمار راؤ گھٹنوں کے بل بیٹھ کر گرل فرینڈ کو پروپوز کرتے ہیں تو فوراََ اُن کی گرل فرینڈ بھی بیٹھ جاتی ہیں اور اداکار سے پوچھتی ہیں کہ ’کیا آپ مجھ سے شادی کریں گے؟‘ اس کے بعد یہ جوڑا ایک دوسرے کو انگوٹھی پہناتا اور پھر رومانوی ڈانس کرتا ہے۔
View this post on Instagram
میڈیا رپورٹ کے مطابق ریاست راجستھان میں شادی کی روایتی تقریب نومبر میں ہو گی ۔ ’اداکار کی شادی کے دعوت نامے تقسیم کئےجا رہے ہیں اور تیاریاں زور و شور سے جاری ہیں ۔
یہ بھی پڑھیں: ٹی ٹوئنٹی ورلڈ کپ کا فائنل۔۔ آسٹریلیااور نیوزی لینڈ میں آج جوڑ پڑیگا