بچوں کو غیر اخلاقی تصاویر اور مواد سے محفوظ رکھنے کے حوالے سے اہم خبر

(ویب ڈیسک) عصر حاضر میں سوشل میڈیا سے جہاں لوگوں مستفید ہورہے ہیں تو وہیں بچے بے راہ روی کا شکار ہورہے ہیں اور اس کے غلط استعمال سے معاشرتی برائیاں جنم لے رہی ہیں، بچوں کا غیراخلاقی تصاویر اور مواد سے محفوظ رکھنے کے لئے ایک نیا فیچر تیار کیا جارہا ہے۔

تفصیلات کےمطابق سوشل میڈیا کے بڑھتے ہوئے استعمال نے نوجوان نسل کو اپنے شکنجے میں جکڑرکھا ہے، خواتین، مرد اور نوجوانوں کے ایک بڑے طبقے کا اس کے بغیر اب گزارا ممکن نہیں جبکہ اس دوڑ میں اب بچے بھی کسی سے پیچھے نہیں اور سوشل میڈیا کے مختلف پلیٹ فارمز پر کمائی کررہے ہیں۔

سوشل میڈیا کے استعمال کے ساتھ بچوں میں غیر اخلاقی مواد دیکھنے کا رجحان بھی سنگین صورت حال اختیار کررہا ہے، بچوں کو اس عمل سے روکنے کے لئے نیا فیچر تیار کیا جارہا ہے۔

 معروف امریکی موبائل کمپنی ایپل نے ایک جدید فیچر کی تیاری کا آغاز کردیا ہے جو ان کی نگرانی کا کام انجام دے گا۔

آئی او ایس 15 اعشاریہ 2 کے نئے بیٹا ورژن میں ایپل کمیونیکشن سیفٹی فیچر کا اضافہ کیا گیا ہے، فیچر صارفین کو خود ان ایبل کرنا ہوگا جس کا مقصد بچوں کو غیر اخلاقی تصاویر تک رسائی سے روکنا ہے۔

یہ بھی پڑھیں:راج کمار راؤ نے گرل فرینڈ کو منگنی کی انگوٹھی پہنا دی

نئے فیچر میں اگر کوئی تصویر سسٹم کو غیراخلاقی لگے گی تو وہ تصویر کو دھندلا کردے گا اور بچوں کو مواد کے حوالے سے خبردار کیا جائے گا۔

کمپنی نے اس نئے فیچر کا فیصلہ صارفین کی جانب سے تنقید کرنے کی وجہ سے کیا تھا۔ یہ فیچر صارفین کو خود ان ایبل کرنا ہوگا اور اس مقصد کے لئے سسٹم بھیجی جانے والی اور موصول ہونے والی تصاویر کوسکین کرے گا۔

یہ بھی پڑھیں: ٹی ٹوئنٹی ورلڈ کپ کا فائنل۔۔ آسٹریلیااور نیوزی لینڈ میں آج جوڑ پڑیگا