(24 نیوز)پی ٹی آئی کے چیئرمین عمران خان نے اپنے زخم دکھا دیے، عمران خان کے زخم بدستور ٹھیک نہیں ہوئے۔
شوکت خانم اسپتال کے ڈاکٹرز نے عمران خان کا طبی معائنہ کیا اور گولیاں لگنے کے زخموں کی فوٹیج پہلی بار منظر عام پر آگئی۔فوٹیج میں دیکھا جا سکتا ہے کہ عمران خان کو دائیں ٹانگ پر گولیوں کے تین زخم آئے، دائیں ٹانگ کی ران پر دو زخم جبکہ گھٹنے کے پاس ایک زخم آیا۔
ضرور پڑھیں :امریکی سازش کا معاملہ ختم ،عمران خان"باوقار" تعلقات کیلئے تیار
ڈاکٹرز نے زخموں کا معائنہ کرنے کے بعد نئی پٹی کر دی، ڈاکٹرز عمران خان کا طبی معائنہ آئندہ دنوں میں بھی جاری رکھیں گے۔ذرائع کا بتانا ہے کہ عمران خان کے زخم بدستور گہرے ہیں مندمل نہیں ہوئے، عمران خان کے زخم ٹھیک ہونے میں مزید کچھ وقت لگے گا۔
یاد رہے کہ چیئرمین تحریک انصاف عمران خان لانگ مارچ کے دوران 3 نومبر کو وزیر آباد میں ہونے والے قاتلانہ حملے میں زخمی ہو گئے تھے۔