ایشوریا رائے سے متعلق نا مناسب تبصرہ کرنے پر عبدالرزاق تنقید کی زد میں آگئے

(24 نیوز) قومی کرکٹ ٹیم کے سابق کرکٹر عبدالرزاق ، بالی ووڈ کی معروف اداکارہ و سابق مس ورلڈ ایشوریا رائے پر نا مناسب تبصرہ کرنے پر تنقید کی زد میں آگئے۔

تفصیلات کے  مطابقعبدالرزاق نے گزشتہ روز ایک پروگرام میں گفتگو کے دوران ایشوریا رائے کی مثال دیتے ہوئے ان کےحوالے سے نامناسب بات کہی، جس کی ویڈیو کلپ سوشل میڈیا پر وائرل ہوگئی،وائرل ہونے والی ویڈیو کلپ میں عبدالرزاق کو کرکٹرز کی کارکردگی پر بات کرتے ہوئے سنا جا سکتا ہے۔، جس میں انہوں نے اداکارہ ایشوریا رائے سے متعلق غیر مناسب تبصرہ کر کے سوشل میڈیا کو اپنے خلاف کرلیا۔

وائرل ویڈیو میں ان کے ہمراہ سٹیج پر سابق کپتان شاہد آفریدی اور فاسٹ باؤلر عمر گل بھی موجود ہیں،عبدالرزاق کرکٹرز کی کارکردگی بہتر بنانے کے حوالے سے اظہار خیال کرتے ہوئے کہتے ہیں کہ کسی بھی معاملے کو اس وقت ہی بہتر کیا جا سکتا ہے جب کہ مسئلے کو حل کرنے کی نیت کرلی جائے،انہوں نے کہا کہ اگر کسی مسئلے کو حل کرنے کی نیت ہوگی تو وہ مسئلہ حل ہوگا،ساتھ ہی عبدالرزاق نے مثال دی کہ اگر آپ کی نیت ہوگی کہ آپ ایشوریا رائے سے شادی کرلیں اور پھر وہاں سے نیک بچہ پیدا ہو تو یہ نہیں ہوسکتا۔

Shameful example given by Abdul Razzaq. #AbdulRazzaq #CWC23 pic.twitter.com/AOboOVHoQU

— Shaharyar Ejaz (@SharyOfficial) November 13, 2023

عبدالرزاق کی جانب سے ایشوریا رائے کا نام لینے اور ان کے حوالے سے نامناسب بات کہنے پر سابق کرکٹرز شاہد آفریدی اور عمر گل بھی مسکراتے اور تالیاں بجاتے ہیں، یہ مذکورہ ایونٹ چند روز قبل کراچی میں منعقد کیا گیا تھا، جہاں 2009 کی ٹی ٹوئنٹی ورلڈ کپ فاتح قومی ٹیم کو بلایا گیا تھا۔

 عبدالرزاق کی ویڈیو کلپ سوشل میڈیا پر وائرل ہونے کے بعد انہیں تنقید کا نشانہ بنایا  جا رہا ہے  اور زیادہ تر لوگوں نے ان کی ذہنیت پر حیرانی کا اظہار کیا کہ کس طرح ایک سابق کرکٹر اتنی کم عقلی کا مظاہرہ کر سکتے ہیں۔

سوشل میڈیا صارفین نے لکھا کہ عبدالرزاق انٹرنیشنل کرکٹر رہے ہیں، انہوں نے دنیا کے درجنوں ممالک کے دورے کیے اور وہ ہر رنگ، نسل اور صنف سے تعلق رکھنے والے افراد سے ملے لیکن اس کے باوجود انہوں نے ایشوریا رائے کا نام لے کر نامناسب بات کہی، جس پر حیرانی ہوئی۔

Shameful example given by Abdul Razzaq. #AbdulRazzaq #CWC23 pic.twitter.com/AOboOVHoQU

— Shaharyar Ejaz (@SharyOfficial) November 13, 2023

 بعض افراد نے عبدالرزاق کی بات پر ہنسنے اور تالیاں بجانے پر شاہد آفریدی اور عمر گل کو بھی تنقید کا نشانہ بنایا۔

They've played cricket for around 20 years. Travelled everywhere, met people and fans from different backgrounds, ethnicities & beliefs and this is their intellectual level. Every other day, these ex-cricketers provide different reasons to embarrass in front of the world. https://t.co/rJXQ8SCJbS

— MLB (@mirzalalbaig) November 14, 2023

لوگوں کی تنقید کے بعد عمر گل نے ایک ٹوئٹ پر کمنٹ کیا کہ انہوں نے اور شاہد آفریدی نے عبدالرزاق کی بات سے اتفاق کرکے تالی نہیں بجائی،انہوں نے مزید لکھا کہ وہ اپنے سابق کرکٹر ساتھی کی بات سے اتفاق نہیں کرتے اور کسی کے خلاف بھی نامناسب بات نہیں کرنی چاہیے اور خصوصی طور پر تب جب کوئی بحث کے دوران موضوع ہی نہ ہو۔

Dear brother, @SAfridiOfficial bhai and I did not clap in the clip to endorse what Abdul Razzaq said but it was in sarcasm. No1 there appreciated or endorsed what was said by him. It was ethically n morally wrong. Everyone has a different perspective and it’s always wrong to name…

— Umar Gul (@mdk_gul) November 14, 2023

تاہم صارفین نے عمر گل کو یاد دلایا کہ وہ ویڈیو میں عبدالرزاق کی بات پر نہ صرف تالیاں بجاتے نظر آتے ہیں بلکہ وہ مسکراتے ہوئے بھی دکھائی دیتے ہیں لیکن اب وہ معصوم بننے کی کوشش کر رہے ہیں۔

I thought the Zehniyat comment by Sohail Tanveer was the worst comment by a Pak Cricketer. This one is ten times worse and what's sad is Gul and Afridi think it's a perfectly good comment. Razzaq should be no where near a mic! Pretty sure his IQ is less than his batting avg! https://t.co/k0LxDEv6Ww

— Kartik (@elitecynic) November 14, 2023