(24 نیوز) کراچی سمیت سندھ کے 18 اضلاع میں ضمنی بلدیاتی انتخابات میں پولنگ کا عمل جاری ہے۔
کراچی کے 6 اضلاع میں 10 بلدیاتی نشستوں پر امیدوار میدان میں ہیں۔ جن میں ضلع جنوبی، غربی، وسطی، کیماڑی، ملیر اور کورنگی شامل ہیں، پولنگ کا آغاز صبح 8 ہو گیا جو شام 5 بجے تک بلا تعطل جاری رہے گا۔
کراچی کے 167 پولنگ اسٹیشن میں سے 136 انتہائی حساس، 26 پولنگ اسٹیشن حساس اور 5 نارمل قرار دیئے گئے، یوسی 9 ٹی ایم سی ملیر میں قائم 11 پولنگ اسٹیشن انتہائی حساس قراردیئے گئے۔
یوسی 8 ٹی ایم سی ماڈل کالونی میں قائم تمام 21 پولنگ جبکہ یوسی 13 ٹی ایم سی صدر میں 7 پولنگ اسٹیشنز انتہائی حساس اور 5 حساس قرار دیئے گئے ہیں۔ یوسی 7 ٹی ایم سی لیاقت آباد میں تمام 31 پولنگ اسٹیشنز انتہائی حساس قرار دیئے گئے ہیں۔
یہ بھی پڑھیں : میران شاہ میں سکیورٹی فورسز کا آپریشن، 8خوارج ہلاک، 6زخمی
انتہائی حساس پولنگ اسٹیشنوں پر سی سی ٹی وی کیمرے نصب اور16 سے 18 اہلکار تعینات جبکہ حساس اسٹیشنوں پر 8 سے 12 پولیس اور رینجرز کی نفری تعینات کی جائے گی۔