ہانیہ عامر کا بالی وڈ کنگ شاہ رخ خان سے ملنے کی خواہش کا اظہار
میں ابھی تک شاہ رخ خان سے نہیں ملی اور یہ اداس کر دینے والی بات ہے
Stay tuned with 24 News HD Android App
(ویب ڈیسک) خوبرو اداکارہ ہانیہ عامر نے بالی وڈ کنگ شاہ رخ خان سے ملنے کی خواہش کا اظہار کردیا ۔
فہدمصطفیٰ کے ساتھ ڈرامہ"کبھی میں کبھی تم"سے مقبولیت کی بلندیوں پر پہنچنے والی ہانیہ عامر ان دنوں غیر ملکی دورے پر کینیڈا میں موجود ہیں جہاں ٹورنٹو میں اداکارہ کے اعزاز میں ایک تقریب کا اہتمام کیا گیا،اس دوران مداحوں نے ہانیہ عامر سے دلچسپ سوالات پوچھے۔
ہانیہ عامر کی ایک ویڈیو سوشل میڈیا پر وائرل ہورہی ہے جس میں انہوں نے شاہ رُخ خان سے ملنے کی خواہش کا اظہار کیا ہے،میزبان نے ہانیہ عامر سے شاہ رخ خان سے ملنے کے بارے میں سوال پوچھا تواس کے جواب میں اداکارہ نے کہا کہ شاہ رخ خان اگر آپ یہ دیکھ رہے ہیں تو مجھ سے مل لیں۔
"ڈمپل گرل"نے مزید کہا کہ میں ابھی تک شاہ رخ خان سے نہیں ملی اور یہ اداس کر دینے والی بات ہے۔
یاد رہے کہ ہانیہ عامر شاہ رُخ خان کی بڑی مداح ہیں اور وہ ان کے سگنیچر انداز میں ویڈیو بھی بناتی نظر آچکی ہیں۔