شمالی وزیرستان کے ایک گھر میں دھماکہ، 2 خواتین جاں بحق،5افراد زخمی
دھماکے سے گھرکی چھت گرگئی،فی الحال نوعیت اور وجوہات معلوم نہیں ہوسکیں
کیپشن: فائل فوٹو
سورس: گوگل
Stay tuned with 24 News HD Android App
(24نیوز)خیبرپختونخوا کے ضلع شمالی وزیرستان کے ایک گھر میں دھماکے سے 2 خواتین جاں بحق جبکہ 2 خواتین اور 3 بچے زخمی ہوگئے۔
پولیس کے مطابق شمالی وزیرستان کے گاؤں تپی میں گھر کے اندر دھماکے سے کمرے کی چھت گرگئی جس کے نتیجے میں جانی نقصان ہوا،زخمیوں کو طبی امداد کی فراہمی کے لیے میرانشاہ ہسپتال منتقل کردیا گیا ہے۔
پولیس حکام کا کہنا تھا کہ دھماکے کے حوالے سے تحقیقات شروع کردی گئی ہیں، فی الحال دھماکے کی نوعیت اور وجوہات معلوم نہیں ہو سکی ہیں۔