اسلام آباد ۔۔ ڈینگی کیسز   ڈیڑھ ہزار سے بڑھ گئے

(24نیوز)اسلام آباد میں گزشتہ 24 گھنٹوں میں ڈینگی کے  125  کیسز رپورٹ ہوئے ہیں جو کہ  اب تک کے سب سے زیادہ کیسز ہیں۔

ڈسٹرکٹ ہیلتھ آفیسر ( ڈی ایچ او ) کا کہنا ہے کہ 24 گھنٹوں میں اسلام آباد کے دیہی علاقوں سے ڈینگی کے 78 کیسز سامنے آئے ہیں، ان علاقوں میں ابتک 1015 افراد میں ڈینگی کی تصدیق ہوچکی ہے۔

 ڈی ایچ اوکے مطابق 24 گھنٹوں میں اسلام آباد کے شہری علاقوں میں ڈینگی کے 47 کیسز سامنے آئے ہیں، ان علاقوں میں اب تک ڈینگی وائرس سے 513 افراد بیمار ہوچکے ہیں۔

وزیر صحت پنجاب ڈاکٹر یاسمین راشد کا کہنا ہے کہ ڈینگی کے سب سے زیادہ کیسز لاہور میں سامنے آرہے ہیں، پنجاب کے نجی اسپتالوں میں ڈینگی مریضوں کے لیے پانچ ہزار بستر مختص کر دیے ہیں، پنجاب میں کورونا اور ڈینگی کا مقابلہ مربوط حکمت عملی سے کررہے ہیں۔

 خیبرپختونخوا میں ڈینگی کے 179 نئے کیسز رپورٹ ہوئے ہیں جس کے بعد صوبے میں ڈینگی کے کُل کیسز کی تعداد 3 ہزار 300 ہوگئی۔ 

دوسری جانب پنجاب میں ڈینگی کے مریضوں کی تعداد 5 ہزار کے قریب پہنچ گئی ہے۔  

یہ بھی پڑھیں:موٹر وے پر ایک اور ظلم۔۔۔کار میں لڑکی سے اجتماعی زیادتی