فضائی آلودگی کیخلاف انتظامیہ کا رات گئے ایکشن

(ویب ڈیسک)لاہور کے مختلف علاقوں میں فضائی آلودگی پھیلانے والوں کے خلاف رات گئےکارروائی ،غیر معیاری فیول کے استعمال پر 12 یونٹ سیل۔

ملک کے وسطی اور بالائی علاقوں میں درجہ حرارت میں کمی کے بعد اسموگ کے خدشات بھی سر اٹھانے لگے ہیں، ایسے میں لاہور کے مختلف علاقوں میں فضائی آلودگی پھیلانے والوں کے خلاف رات گئےکارروائی کی گئی۔

ضرور پڑھیں :سموگ کے خطرات، نقصانات اور بچاؤ کا طریقہ

اسپیشل اینٹی اسموگ اسکواڈ کی جانب سے کرول گھاٹی، مومن پورہ، محمود بوٹی داروغہ والا اور بادامی باغ کے علاقوں میں کارروائیاں عمل میں لائی گئیں اور کاربن، ٹائر اور غیر معیاری فیول کے استعمال پر 12 یونٹ سیل اور جرمانے کیے گئے۔

اس موقع پر سیکرٹری ماحولیات عثمان علی خان کا کہنا تھا کہ فضائی آلودگی پھیلانے والے عناصر کےخلاف زیرو ٹالرنس پالیسی ہے، اسموگ کنٹرول سسٹم لگائے بغیر کسی یونٹ کو کام نہیں کرنے دیا جائے گا