(ویب ڈیسک) وزیر ریلوے سعد رفیق نے کہا ہے کہ ریلوے اپ اور ڈاؤن ٹریک پر بہت پانی ہے، ٹریک کی بحالی کا ٹائم فریم نہیں دے سکتے۔
وزیر ریلوے سعد رفیق نے پانی میں ڈوبے ریلوے ٹریک کا معائنہ کرنے کے بعد میڈیا سے گفتگو کرتے ہوئے انہوں نے کہا کہ پانی کے باعث زیادہ مسافر ٹرینوں کا خطرہ نہیں مول سکتے۔انہوں نے مزید کہا کہ ٹرین چلانے کے لئے سینئر افسران کی مشاورت سے 2 ٹیمیں تشکیل دے دی ہیں۔ آج دوپہر کے بعد ہی بتا سکتے ہیں کہ ریلوے آپریشن کب تک بحال ہوسکے گا ابھی کوئی ٹائم فریم نہیں دے سکتے۔
انہوں نے نواب شاہ ریلوے اسٹیشن پر اجلاس کی صدارت بھی کی جس میں کمشنر، ڈپٹی کمشنر، محکمہ آبپاشی اور ریلوے حکام نے شرکت کی۔اجلاس میں ریلوے ٹریک کی بحالی کے لئے ہنگامی اقدامات پر اتفاق کیا گیا۔