آرمی چیف کا فوجی فاؤنڈیشن ہیڈ کوارٹرز کا دورہ !!!
Stay tuned with 24 News HD Android App
(24نیوز)آرمی چیف کا فوجی فاؤنڈیشن ہیڈ کوارٹرز کا دورہ۔سپہ سالار کو فوجی فاؤنڈیشن کے جاری اور مستقبل کے منصوبوں پر بریفنگ دی گئی۔جنرل قمر جاوید باجوہ نےفوجی فاؤنڈیشن کی کارکردگی اور عزم کی تعریف کی۔ہسپتال اور فاؤنڈیشن یونیورسٹی انسٹیٹیوٹ کا افتتاح بھی کیا۔
پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ نے فوجی فاؤنڈیشن ہیڈ کوارٹرز کا دورہ کیا ،مینجنگ ڈائریکٹر وقار احمد ملک نے سپہ سالار کا استقبال کیا۔ آرمی چیف نے 100 بستروں پر مشتمل ہسپتال کا افتتاح کیا اور منصوبوں کی تکمیل کیلئے بھرپور تعاون کی یقین دہانی کرائی۔
آئی ایس پی آر کے مطابق پاک فوج کے سربراہ کو فوجی فاونڈیشن کے آئندہ منصوبوں اور مختلف شعبوں سے متعلق بریفنگ دی گئی۔ جنرل قمر جاوید باجوہ نے دورے کے دوران فائونڈیشن یونیورسٹی انسٹیٹیوٹ اسکول آف نرسنگ کا بھی افتتاح کیا اور معیاری خدمات کے لیے ادارے کے عزم اور کارکردگی کو سراہا۔