وزیراعظم عمران خان کل سکھر اورکراچی کا دورہ کرینگے

(24نیوز)وزیراعظم عمران خان کل سکھر اور کراچی کا ایک روزہ دورہ کریں گے،وزیراعظم کامیاب نوجوان پروگرام کی تقریب میں شرکت کریں گے ۔
دورے کے دوران وزیراعظم عمران خان سکھر میں پارٹی رہنماﺅں سے ملاقاتیں کریں گے ،وزیراعظم سکھر میں جی ڈی اے رہنماﺅں سے بھی ملاقات کرینگے ، اس کے علاوہ وزیراعظم عمران خان کراچی میں شوکت خانم کے فنڈ ریزنگ افطار ڈنر میں شرکت کریں گے ۔
دریں اثنا گورنر سندھ عمران اسماعیل نے سماجی رابطے کی ویب سائٹ ٹوئٹر پر اپنے پیغام میں کہاہے کہ وزیراعظم عمران خان کل سندھ کے دورے کے دوران بڑے ترقیاتی پیکیج کا اعلان کریں گے اور سکھر میں کامیاب نوجوان پروگرام کا افتتاح کریں گے۔گورنر سندھ نے کہا کہ وزیراعظم جمعہ کو سندھ کے دورے پرسکھر پہنچیں گے، سندھ کے عوام کاانتظارختم ہونے والاہے، سندھ کے عوام اپنے محبوب قائد کا بے انتہا انتظار کررہے تھے۔

سندھ کے عوام اپنے پیارے قائد ، وزیر اعظم عمران خان کا بہت انتظار کر رہے تھے ، اب یہ انتظار کل ختم ہونے کو ہے۔
وزیر اعظم عمران خان کل سکھر پہنچیں گے اور سندھ کے عوام کے لئے ایک بڑے ترقیاتی پیکیج کا اعلان کریں گے۔

— Imran Ismail (@ImranIsmailPTI) April 15, 2021