(ویب ڈیسک)لاہور میں ایک شخص نےنا معلوم وجوہات کی بنا پر ماں باپ، بہن ،بھانجے اور ساس سمیت 5 افراد کو قتل کر دیا۔
تفصیلات کے مطابق لاہور کے علاقے گرین ٹاؤن امیر چوک میں ایک گھر میں فائرنگ کا واقعہ پیش آیا،پولیس نے بتایا ہے کہ ملزم عابد آئس کا نشہ کرتا تھا جبکہ یہ بھی بتایا جاتا ہے کہ فائرنگ کے وقت ملزم نشے میں تھا۔
پولیس کا کہنا ہے کہ ملزم عابد نے فائرنگ کر کے 5 افراد کو قتل اور 2 کو زخمی کر دیا، زخمیوں کو طبی امداد کے لیے ہسپتال منتقل کر دیا گیا ہے۔ ملزم عابد نے اپنے اہل خانہ اور سسرالی رشتے داروں پر فائرنگ کی، ملزم کی فائرنگ سے اس کے والدہ، والد، بہن اور بھانجا اور ساس موقع پر جاں بحق ہو گئے۔
پولیس حکام کا بتانا ہے کہ ملزم کی فائرنگ سے دو افراد زخمی بھی ہوئے، ملزم عابد کو گرفتار کر کے تفتیش شروع کر دی گئی ہے۔
یہ بھی پڑھیں: دورۂ بھارت میں بیویوں کو کیوں ساتھ بھیجا گیا تھا؟ذکاء اشرف کا اہم انکشاف