رنبیر اور عالیہ کی شادی ۔تصاویر اور ویڈیو منظر عام پر آ گئی

  (مانیٹرنگ ڈیسک)بھارتی فلم انڈسٹری کی معروف جوڑی عالیہ بھٹ اور رنبیر کپور کی شادی  کی تصاویر اور ویڈیوز منظر عام پر آگئی۔

  دونوں کی شادی کے تذکرے زبان زدِ عام ہیں اور پھر گزشتہ روز شادی کی تقریب کے موقع پر رنبیر کپور کی والدہ اداکارہ نیتو کپور اور بہن ردھیما کپور نے خود شادی کی تصدیق کی جس کے بعد ٹوئٹر پر عالیہ اور رنبیر کی شادی کا ہیش ٹیگ ٹاپ ٹرینڈ بن گیا۔

Congratulations to #RanbirKapoor & @aliaa08
for getting married...I hope for a successful and loving married life for both of them#RanbirAliaWedding #RanbirKapoorAliaBhattWedding#KapoorFamily #AliaBhatt pic.twitter.com/aaibc6SfDi

— Ashwani pathak (@Asvani_Pathak) April 14, 2022

دونوں اداکار کی آپس میں شادی روایتی پنجابی انداز میں ہوئی جہاں انہوں نے اپنے اہلخانہ اور قریبی دوست احباب کے سامنے پھیرے لیے، اس شادی میں تھیم گولڈ اور وائٹ رکھی گئی تھی اور تقریباً تمام مہمانوں نے ان ہی رنگوں کے زیب تن کیے۔

رنبیر کی کزنز کرینہ کپور اور کرشمہ کپور کو بھی شادی کی تقریب کے لیے جاتے دیکھا گیا، ویڈیو میں کرینہ نے سلور رنگ کا لہنگا پہنا جب کہ کرشمہ کپور نے زرد رنگ کی پشواز کا انتخاب کیا۔

شادی کی تقریب جوڑے کے واستو گھر باندرہ میں منعقد ہوئی جس میں صرف اہلخانہ اور قریبی دوستوں کو مدعو کیا گیا تھا اور میڈیا رپورٹس کے مطابق اس میں صرف 50 افراد نے شرکت کی تھی۔

اب خود عالیہ بھٹ نے اپنی شادی کی چند تصاویر سوشل میڈیا پر شیئر کی ہیں۔ عالیہ بھٹ نے تصویر کے ساتھ ایک خوبصورت پیغام بھی شیئر کیا ہے۔