لندن میں ن لیگ کی احتجاج کی کال،جمائما کا سخت رد عمل 

(ویب ڈیسک)مسلم لیگ ن کی طرف سے لندن میں جمائما کے گھر کے باہر احتجاج کی کا ل پر جمائمانے سخت رد عمل دیتے ہوئے کہا میرے گھر کے باہر مظاہرے، میرے بچوں کو نشانہ بنانا، سوشل میڈیا پراینٹی سمیٹک مہم ،طوفان بدتمیزی ایسا لگتا ہے جیسے میں 90 کی دہائی کے لاہور میں واپس آچکی ہوں ۔

Protests outside my house, targeting my children, antisemitic abuse on social media…. It’s almost like I’m back in 90s Lahore. #PuranaPakistan pic.twitter.com/0R2YOPcQrJ

— Jemima Goldsmith (@Jemima_Khan) April 15, 2022

ساتھ ہی  جمائما نے پرانا پاکستان کا ہیش ٹیگ بھی استعمال کیا ۔جمائما نے ن لیگ کی طرف سے احتجاج کی کال کا پوسٹر بھی ٹویٹر پر شیئر کیا ،جس میں لندن میں جمائما کے گھر کے باہر سترہ اپریل کو احتجاج کی کال دی گئی تھی۔

اتوار کو لندن میں عمران نیازی کی سابقہ اہلیہ کے گھر کے باہر احتجاج ہوگا۔ تا کہ اس کے بچوں کو بھی پتا چلے ان کا باپ کتنا کمینہ ہے۔ pic.twitter.com/9GL6QqPOhR

— Abid Sher Ali (@AbidSherAli) April 14, 2022

پوسٹر پرعمران خان کیخلاف احتجاج کی کال کیساتھ ساتھ عمران خان کیلئے چینی چور ،آٹا چور ،زکوت خیرات چور اور فارن فنڈنگ چور جیسے القابات بھی لکھے گئے تھے ۔جمائما گولڈ اسمتھ نے ٹوئیٹ میں مسلم لیگ ن کے رہنما عابد شیر علی  کی جانب سے احتجاج کی کال کا حوالہ بھی دیا۔جس میں عابد شیر علی نے لکھا تھا کہ اتوار کو لندن میں عمران نیازی کی سابقہ اہلیہ کے گھر کے باہر احتجاج ہوگا۔ تا کہ اس کے بچوں کو بھی پتا چلے ان کا باپ کتنا کمینہ ہے۔

یہ بھی پڑھیں: ڈپٹی اسپیکر کی بحالی۔ لاہور ہائیکورٹ نے فیصلہ محفوظ کرلیا