شمالی وزیرستان۔۔دہشت گردوں کا فوجی قافلے پر حملہ۔7جوان شہید۔4دہشت گرد مارے گئے

(24نیوز)دہشت گردوں کے حملے میں پاک فوج کے 7 جوان شہید ہو گئے۔
آئی ایس پی آر کے مطابق شمالی وزیرستان کے قریب پاک افغان بارڈر پر ایشام کے علاقے میں دہشت گردوں نے گھات لگا کر فوجی قافلے پرحملہ کیا ۔جس سے شہادتیں ہوئیں۔پاک فوج کے پھرپور جوابی عملے میں4 دہشت گرد ہلاک کردیئے گئے ۔ 
 آئی ایس پی آر کے مطابق شہید ہونے والوں میں حوالدار طارق یوسف، سپاہی سلیمان وقاص،سپاہی طارق یوسف،سپاہی جنید علی،سپاہی اعجاز حسین،سپاہی وقار احمد اور سپاہی ارشد علی شامل ہیں۔شہید ہونے والے 36 سالہ حولدار طارق یوسف کا تعلق فیصل آباد سے ۔ 34 سالہ سپاہی سلمان وقاص اور 26 سالہ سپاہی جنید علی کا تعلق لیہ سے ہے ، 27 سالہ سپاہی اعجاز حسین کا تعلق خیرپور سے اور 25 سالہ سپاہی وقار احمد میرپور خاص کے رہنے والے ہیں، شہید ہونے والے 24 سالہ سپاہی محمد جواد امیر کا تعلق چکوال جبکہ 23 سالہ سپاہی سید ارشد علی کا تعلق صحبت پور سے ہے۔ 

فوج کی طرف سے کہا گیا ہے کہ دہشت گردوں کے خاتمے کیلئے علاقے میں کلیئرنس آپریشن جاری ہے، پاک فوج دہشت گردی کی لعنت کو ختم کرنے کیلئے پرعزم ہے،  ہمارے بہادر جوانوں کی ایسی قربانیاں ہمارے عزم کو مزید مضبوط کرتی ہیں۔

یہ بھی پڑھیں۔عمران خان کی شکست پرجو بائیڈن کا جشن،ویڈیو کی حقیقت بھی سامنے آگئی