متحدہ عرب امارات نے ایک ارب ڈالر فراہم کرنے کی تصدیق کردی، اسحاق ڈار

(ویب ڈیسک) وفاقی وزیر خزانہ اسحاق ڈار نے کہا ہے کہ متحدہ عرب امارات کے حکام نے آئی ایم ایف کو پاکستان کیلئے ایک ارب ڈالر فراہم کرنے کی تصدیق کردی ہے۔

ٹوئٹر پر دیے گئے ایک بیان میں اسحاق ڈار نے آئی ایم ایف پروگرام کے نویں جائزے کا حوالہ دیتے ہوئے کہا کہ آئی ایم ایف کو متحدہ عرب امارات نے تصدیق کی ہے کہ دو طرفہ تعاون کے تحت پاکستان کو ایک ارب ڈالر فراہم کردیے جائیں گے۔

IMF program — 9th Review Update:

UAE authorities have confirmed to IMF for their bilateral support of US $ One billion to Pakistan.

State Bank of Pakistan is now engaged for needful documentation for taking the said deposit from UAE authorities.

AlhamdoLilah!

— Ishaq Dar (@MIshaqDar50) April 14, 2023

انہوں نے کہا کہ اسٹیٹ بینک آف پاکستان اس ڈپازٹ کے حوالے سے ضروری کاغذی کارروائی کیلئے متحدہ عرب امارات کے حکام کے ساتھ مصروف ہیں۔

خیال رہے کہ پاکستان رواں برس فروری کے شروع سے آئی ایم ایف کے ساتھ 7 ارب ڈالر کے پروگرام کی آخری قسط کے اجرا کے لیے مذاکرات کر رہا ہے جو 1.1 ارب ڈالر ہے۔

پاکستان کو توقع ہے کہ اس معاہدے کے بعد آئی ایم ایف کی توثیق کے انتظار کرنے والے دیگر ادارے بھی فنڈز جاری کردیں گے۔