کراچی: گیس لیکج سے دھماکہ، 2 افراد جاں بحق، 4 زخمی

(24نیوز)کراچی کے علاقے لانڈھی مرتضٰی چورنگی کے قریب فاروقی قبرستان کے پاس واقع برف کے کارخانے میں زور دار دھماکہ ہو گیا۔

حادثے کے نتیجے میں 6 افراد زخمی ہوئے جن کو فوری طور پر ہسپتال منتقل کیا گیا, ریسکیو حکام کے مطابق زخمی ہونے والوں میں سے 2 افراد ہسپتال منتقل کرتے ہی دم توڑ گئے جبکہ دیگر چار شدید زخمی افراد ہسپتال میں زیر علاج ہیں۔

پولیس حکام کے مطابق تاحال تمام متاثرین کی شناخت نہیں ہو سکی، تاہم تمام افراد کی عمریں 30 سے 35 سال کے درمیان بتائی جا رہی ہیں، پولیس نے واقعے کی مزید تحقیقات کا آغاز کر دیا ہے۔

 ابتدائی تفتیش کے مطابق واقعہ گیس لیکج کے باعث پیش آیا جس کے باعث برف کارخانے میں موجود مزدور چھت گرنے سے ملبے تلے دب گئے تھے۔