قتل کی دھمکی،سلمان خان نے جِم سے تصاویر شیئر کردیں

(ویب ڈیسک)جان سے مارنے کی دھمکی موصول ہونے کے بعدبالی ووڈکے دبنگ سٹار سلمان خان نے جم سے اپنی حیرت انگیز تصاویر شیئر کردیں۔

سلمان خان نے حال ہی میں انسٹاگرام پر اپنی جم سیشن کی تصاویر شیئر کیں جن میں ان کی فٹنس اور نمایاں بائسپس مداحوں کی توجہ کا مرکز بن گئے۔

 تصاویر میں سلمان خان سخت ورزش کرتے نظر آ رہے ہیں،مداحوں اور ساتھی اداکاروں نے تصاویر پر بھرپور ردعمل دیا،ورون دھون سمیت رنویر سنگھ نے اداکار کی فٹنس کی تعریف میں تبصرے کیے ہیں۔

یہ بھی پڑھیں:رجب بٹ نے نفرت کی اصل وجہ بتا دی

سلمان خان نے تصاویر کے ساتھ کیپشن میں لکھا"شکریہ موٹیویشن کے لیے۔" دبنگ اداکار کی یہ تصاویر سوشل میڈیا پر تیزی سے وائرل ہو رہی ہیں جس پر ان کے مداح ان کی فٹنس سے متاثر ہورہے ہیں۔

یاد رہے کہ گزشتہ روز سلمان خان کو ایک نئی جان سے مارنے کی دھمکی موصول ہوئی تھی،یہ دھمکی واٹس ایپ کے ذریعے ممبئی کے ٹرانسپورٹ ڈیپارٹمنٹ کو بھیجی گئی جس میں سلمان خان کے گھر میں داخل ہو کر انہیں قتل کرنے اوران کی گاڑی کوبم دھماکے سے اُڑانے کی دھمکی دی گئی تھی۔

واضح رہے کہ گزشتہ سال 14 اپریل کو دو موٹر سائیکل سوار افراد نے ان کے گھر کے باہر فائرنگ کی تھی، جس کی ذمہ داری لارنس بشنوئی گینگ نے قبول کی تھی۔