کرینہ کپور نے نئی تھرلر فلم میں کام کرنے کی تصدیق کردی

(ویب ڈیسک) بالی ووڈ کی اداکارہ کرینہ کپور خان نے اپنے انسٹاگرام پر پرتھوی راج سوکمارن اور میگھنا گلزار کے ساتھ چند تصاویر شیئر کر کے فلم ’دائرہ‘ کی تصدیق کی ہے۔ اس فلم کی ہدایتکاری میگھنا گلزار کریں گی۔

میڈیا رپورٹس کےمطابق فی الحال یہ فلم پری پروڈکشن کے مرحلے میں ہے۔اس ہفتے شہر میں کرینہ کپور کو پرتھوی راج سوکمارن کے ساتھ دیکھا گیا تھا جس کے بعد مداحوں میں ان دونوں کے ایک ساتھ کسی پروجیکٹ پر کام کرنے کی چہ میگوئیاں جاری تھیں۔ اب اداکارہ نے یہ تصدیق کی ہے کہ وہ میگھنا گلزار کی اگلی تھرلر فلم ’دائرہ‘ میں ایک ساتھ کام کریں گے۔ 14اپریل 2025 کو کرینہ کپورنے اپنے انسٹاگرام پر پرتھوی راج سوکمارن اور فلمساز میگھنا گلزار کےساتھ چند تصاویر شیئر کر کے فلم کا اعلان کیا۔ تصویروں کے ساتھ کرینہ کپور نے کیپشن میں لکھا کہ میں ہمیشہ یہ کہتی ہوں کہ میں ہدایتکار کی اداکارہ ہوں اور اس مرتبہ میں فلم انڈسٹری کی بہترین ہدایتکارہ میگھنا گلزار کے ساتھ کام کرنے کیلئے پرجوش ہوں۔ کرینہ کپور کے پوسٹ کے جواب میں مداحوں نے کمینٹس کے ذریعے اپنے تجسس کا اظہار کیا۔ 

واضح رہے کہ میگھنا گلزار جو ’’رازی‘‘ اور ’’تلوار‘‘ جیسی فلموں کیلئے مشہور ہیں نے ’’دائرہ‘‘ کیلئے تیسری مرتبہ جنگلی پکچرز کے ساتھ شراکت داری کی ہے۔ اس کرائم ڈراما میں کرینہ کپور خان اور پرتھوی راج سوکمارن کلیدی کردار ادا کریں گے۔ ’’دائرہ‘‘، ’’سام بہادر‘‘ کے بعد میگھنا گلزار کی ہدایتکاری میں بننے والی اگلی فلم ہوگی جس کی اسکرپٹ یش، سیما اور میگھنا نے مل کر لکھی ہے۔

یہ بھی پڑھیں:بھارتی کامیڈی فلم "کھچڑی 3"کااعلان: کب ریلیز ہوگی؟