بیرون ممالک سے موبائل لانے پر ٹیکس میں کمی کریں گے:وزیراعظم

(24 نیوز)وزیراعظم پاکستان شہباز شریف نے کہا ہے کہ بیرون ممالک سے موبائل لانے پر ٹیکس کم کرنے پر غور کریں گے۔

اوورسیز کنونشن سے خطاب کرتے ہوئے وزیراعظم شہباز شریف نے کہا کہ ایئرپورٹس پر اوورسیز پاکستانیوں کی سہولت کے لیے دوبارہ گرین چینل شروع کریں گے۔

واضح رہے کہ اوورسیز پاکستانیوں کو بیرون ملک سے صرف ایک موبائل فون لانے کی اجازت ہے، 120 دن سے زیادہ پاکستان میں قیام کرنے والوں کو موبائل فون پی ٹی اے میں رجسٹرڈ کرانا ہوتا ہے اور اس کا ٹیکس ادا کرنا پڑتا ہے۔

وزیراعظم نے اپنے خطاب میں مزید کہا کہ اوورسیز پاکستانیوں کی جائیدادوں کا فیصلہ کرنے کے حوالے سے قائم کی گئی، عدالتیں 90 روز کے بجائے 60 روز میں فیصلے کرنے کی پابند ہوں گی۔

اوورسیز کنونشن اسلام آباد میں جاری ہے، جس میں وزیراعظم پاکستان شہباز شریف کے علاوہ آرمی چیف جنرل سید عاصم منیر اور دیگر اہم شخصیات شریک ہیں۔

یہ بھی پڑھیں:ائیرلائن ائیربلیو نے عازمین حج کی روانگی کا شیڈول مرتب کر لیا