بانی نے کہا جس کو موقع ملے وہ ملاقات کرے،فیصل چودھری

(ارشاد قریشی)بانی پی ٹی آئی کے سابق وکیل فیصل چودھری نے کہا ہے کہ بانی نے کہا ہے سات دن بعد ملاقات کا موقع ملتا ہے جس کو موقع ملے وہ ملاقات کرے،بانی نے کہا پارٹی میں ملاقاتوں کو لیکر ڈسپلن کی کوئی کارروائی نہیں ہونی چاہئے،بیرسٹر گوہر کے ساتھ جو معاملہ ہوا انکو بانی نے پسند نہیں کیا،بانی نے کہا یہ مناسب بات نہیں۔

فیصل چودھری نے بانی پی ٹی آئی سے ملاقات کے بعد میڈیا سے گفتگوکرتے ہوئے کہا کہ پارٹی کے انٹرنل معاملات پر میں بات نہیں کرونگا،بشریٰ بی بی کی ملاقات نہیں ہورہی تھی وہ بھی میں نے کرادی ہے،بانی نے کہا پی ٹی آئی جمہوری جماعت ہے ڈسپلن ہر کسی پر لاگو ہوتا ہے۔

ان کاکہناتھا کہ فیملی کی ملاقات روکنے کی میں مذمت کرتا ہوں،علیمہ خان کی ملاقات نہ ہونا سخت زیادتی کی بات ہے،فیملی کا قانونی حق ہے انکو ملاقات دینی چاہیئے،بانی کی بہنیں اپنے بھائی کو دیکھنا چاہتی ہیں سرکار کو اپنا وطیرہ بدلنا چاہیئے۔

فیصل چودھری کاکہنا تھا کہ بانی کو بتایا آپ کے پیغامات اور بیانیہ آنا بند ہوگیا ہے،بانی کا بیانیہ نہ آنا الارمنگ بات ہے،بانی کو بتایا آپ کی ٹویٹس کے ذریعے دنیا کو پیغام ملتا ہے۔

یہ بھی پڑھیں:وفاقی دارالحکومت میں جلسے سے قبل ہی اپوزیشن جماعت کے اتحاد کو بڑا دھچکا لگ گیا