(24 نیوز) آج اسلام آباد ،سیالکوٹ، نارووال، لاہور، گجرات ، منڈی بہاؤالدین ،گوجرانوالہ اور میانوالی میں چند مقامات پر موسلادھار بارش کی توقع ، جبکہ صوبہ خیبر پختونخوا ، سندھ ، بلوچستان، کشمیر اور گلگت بلتستان کے بعض شہروں میں تیز ہواؤں اورگرج چمک کےساتھ بارش کا امکان ہے۔
محکمہ موسمیات نے اسلام آباد میں آج تیز ہواؤں اورگرج چمک کے ساتھ مزید بارش کی پیش گوئی کی ہے جبکہ بعض مقامات پر موسلادھار بارش کا بھی امکان ہے۔ صوبہ پنجاب میں خطہ پوٹھوہار ،سیالکوٹ، نارووال، لاہور، فیصل آباد، گجرات ، منڈی بہاؤالدین ، حافظ آباد ،گوجرانوالہ، سرگودھا، میانوالی ، خوشاب، لیہ، بھکر اور ڈی جی خان میں تیز ہواؤں اورگرج چمک کے ساتھ بارش کا امکان ہے، صوبہ کے دیگراضلاع میں موسم گرم اور مرطوب رہے گا۔ محکمہ موسمیات کا کہنا ہےخیبرپختونخوا کے بیشتر اضلاع میں مطلع ابر آلود رہے گا،ایبٹ آباد ، مانسہرہ ، ہری پور، کوہستان ،بونیر، دیر،سوات، مالاکنڈ، صوابی ،پشاور، نوشہرہ ،مردان، کوہاٹ، کرم، بنوں ،وزیرستان اور ڈیرہ اسماعیل خان میں تیز ہواؤں اورگرج چمک کےساتھ بارش کا امکان ہے،مردان، کوہاٹ، کوہستان ،بونیر، سوات، ایبٹ آباد اورمانسہرہ میں بعض مقامات پر موسلادھار بارش کی بھی توقع ہے۔سندھ کے بیشتر جنوبی اضلاع میں مطلع جزوی ابر آلود رہنے کی توقع ہے، کراچی ، ٹھٹھہ اوربدین میں ہلکی بارش بوندا باندی کی توقع ہے۔ محکمہ موسمیات
کے مطابق بلوچستان کے بیشتر اضلاع میں موسم گرم اور خشک رہے گا، ژوب ، بارکھان اور گردونواح میں تیز ہواؤں اورگرج چمک کےساتھ بارش کا امکان ہے۔ اس کے علاوہ کشمیر اور گلگت بلتستان میں تیز ہوا ؤں اور گرج چمک کےساتھ بارش کی توقع ہے۔
یہ بھی پڑھیں: نور مقدم قتل کیس،فزیوتھراپی سینٹر کے مالک سمیت 6 افراد گرفتار