(24نیوز) پاکستان کی مقبول ترین شخصیت، معروف ٹک ٹاک اسٹار اور لالی ووڈ کی نئی اُبھرتی ہوئی نوجوان اداکارہ جنت مرزا کی گلابی ساڑھی میں دلکش تصاویر اور ویڈیوز سوشل میڈیا پر وائرل ہوگئیں۔
اس حوالے سے جنت مرزا نے فوٹو اینڈ ویڈیو شیئرنگ ایپ انسٹاگرام پر اپنی چند دلکش تصاویر اور ویڈیوز شیئر کی ہیں۔ انسٹاگرام پر شیئر کی گئی تصاویر میں جنت مرزا نے پنک ساڑھی زیب تن کر رکھی ہے اور وہ ہمیشہ کی طرح بےحد حسین لگ رہی ہیں۔
جنت مرزا نے اپنی پوسٹ کے کیپشن میں لکھا کہ ’’میں چھو کے تم کو دیکھ لوں کہ سچ میں میرے پاس ہو ‘‘
اُن کی تصاویر اور ویڈیوز نے جہاں لوگوں کو اپنا دیوانہ بنایا وہی کچھ صارفین کا یہ بھی کہنا تھا کہ اُنہوں نے عالیہ بھٹ کی نقل کرنے کی کوشش کی پر یہ ناکام رہیں۔
خیال رہے کہ جنت مرزا ویڈیو شیئرنگ ایپلیکیشن ٹک ٹاک پر سب سے زیادہ 23 ملین سے زائد فالوورز رکھنے والی پہلی پاکستانی ٹک ٹاک اسٹار ہیں۔
پاکستان کے شہر فیصل آباد سے تعلق رکھنے والی جنت مرزا نے ملک کی نمبر ون ٹک ٹاک ماڈل ہونے کا اعزاز بھی اپنے نام کر رکھا ہے۔