(24نیوز) رکن قومی اسمبلی مائزہ حمید نے مسلم لیگ ن کی نائب صدر مریم نوازکی لیڈی ڈیانا سے مماثلت ظا ہر کر دی۔مائزہ حمید نے اپنے ٹوئٹ میں مریم نواز کی تعریف کرتے ہوئے لکھا کہ ’جیسے لیڈی ڈیانا کوئی ایک رات میں شہزادی نہیں بن گئی تھیں اسی طرح مریم نواز ہیں جنہوں نے جیل میں وقت گزارا، مگر ہر اچھے برے وقت میں کارکنوں کے سا تھ رہیں۔
تفصیلا ت کے مطابق انہوں نے یہ بھی کہا ہے کہ ان کے اس رویے اور انداز کی وجہ سے ہی وہ ہردلعزیز اور محبوب لیڈر مانی جاتی ہیں۔ یا د رہے کہ اس سے قبل مسلم لیگ ن کی رہنما حنا پرویز بٹ کا کہنا تھا کہ سابق وزیر اعظم نواز شریف کی صاحبزادی مریم نواز سلطنت عثمانیہ کے بانی عثمان اول کے والد ارطغرل جیسی قائدانہ صلاحیتوں کی مالک ہیں۔