(24 نیوز) 2021 میں دبئی کے ورلڈ ٹریڈ سینٹر میں ایک میوزک کنسرٹ کا اہتمام کیا جارہا ہے جس میں نامور گلوکارعاطف اسلم اپنے فن کا مظاہرہ کریں گے۔
تفصیلات کے مطابق پاکستان شوبز انڈسٹڑی کےنامور گلوکار عاطف اسلم کے چاہنے والوں کیلئے خوشخبری ہے کہ وہ آئندہ برس15 جنوری کو دبئی ورلڈ ٹریڈ سینٹر میں ہونے والے دبئی شاپنگ فیسٹیول میں کنسرٹ کریں گے۔ اس میوزک کنسرٹ کا اہتمام بلیو بلڈ کی جانب سے کیا جارہا ہے۔واضح رہے کہ گلوکار عاطف اسلم عالمی وبا کےکرونا باوجود ہونے والا یہ کنسرٹ دبئی ورلڈ ٹریڈ سینٹر کے شیخ رشید ہال میں ہوگا۔
بلیو بلڈ کی سی ای او شائستہ خان نے ایک بیان میں تصدیق کی کہ لائیو ایونٹ میں تمام ہدایات پر عمل کیا جائے گا۔کنسرٹ میں دبئی حکومت کی ہدایات کے مطابق کورونا وائرس سے متعلق تمام ایس او پیز پر سختی سے عمل کیا جائے گا۔