(24نیوز)سندھ کےشہر نوابشاہ اور گرد و نواح میں صبح سویرے زلزلے کے جھٹکے محسوس کئے گئے ہیں۔شہریوں میں خوف و ہراس پھیل گیا۔
تفصیلات کے مطابق نوابشاہ اور گرد و نواح میں زلزلے کے جھٹکے محسوس ہوتے ہی شہری کلمۂ طیبہ کا ورد کرتے ہوئے اپنے گھروں سے باہر نکل آئے اور کھلے علاقوں میں جمع ہو گئے۔ زلزلہ پیما مرکز کے مطابق زلزلے کی شدت 3اعشاریہ 5 اور گہرائی 10 کلومیٹر زیرِ زمین ریکارڈ کی گئی۔زلزلہ پیما مرکز کا یہ بھی کہنا ہے کہ زلزلے کا مرکز نوابشاہ کے مشرق میں 72 کلو میٹر دور تھا۔