پیپلز پارٹی نے پٹرولیم قیمتوں میں اضافہ مسترد کر دیا

 (24 نیوز) پیپلز پارٹی نے پٹرولیم مصنوعات کی قیمتوں میں اضافہ مسترد کر دیا اور مطالبہ کیا کہ پٹرولیم مصنوعات قیمتوں میں اضافہ واپس لیا جائے ۔
پیپلز پارٹی کے سیکرٹری جنرل سید نیئرحسین بخاری اور ڈاکٹر نفیسہ شاہ نے اپنے اپنے رد عمل میں کہا کہ حکومت نے مہنگائی کے مارے عوام پر پٹرول چھڑکا ہے ، نیئر حسین بخاری نے کہا کہ ظالم زہنیت کے حکمرانوں نے مہنگائی کے سونامی میں ڈوبے عوام پر مزید بوجھ ڈالا ہے ، اشیائے ضروریہ پہلے ہی عوام الناس کی دسترس سے دور ہیں ، پٹرول بجلی کی قیمتوں میں مزید اضافے سے مہنگائی کا طوفان آئے گا ۔
نفیسہ شاہ نے کہا کہ سلیکٹڈ وزیراعظم کی اے ٹی ایم مشینیں عوام کے جیب کاٹ رہی ہیں ، بجلی ،گیس اور پٹرول کی قیمتوں میں اضافہ مہنگائی کا طوفان لائے گا ، انہوں نے کہا قوم کو بتایا جائے کہ ندیم بابر نامی کون گوہر نایاب ہے ، سلیکٹڈ وزیراعظم اور غیر منتخب مشیر عوام پر عذاب ہیں۔