بیڈمنٹن سٹارسندھو کی منگنی ، رواں ماہ شادی

(24 نیوز)بھارت کی خاتون بیڈمنٹن کھلاڑی پُسرلا وینکٹا سندھو نے منگنی کرلی، رواں ماہ شادی ہوگی۔

بھارتی میڈیا کے مطابق 29 سالہ پُسرلا وینکٹا سندھو نے وینکٹا دتا سائی سے منگنی کی ہے جو کہ آئی ٹی ماہر ہیں اور ان کا تعلق بھی حیدرآباد سے ہے، سندھو نے اپنی منگنی کی تصاویر سوشل میڈیا پر بھی شیئر کی ہیں جس کے بعد انہیں مبارکباد دینے کا سلسلہ جاری ہے۔بھارتی میڈیا کے مطابق پُسرلا وینکٹا سندھو اور وینکٹا دتا سائی کی شادی کی تقریبات کا آغاز 20 دسمبر سے ہوگا جبکہ 22 دسمبر کو ادے پور میں شادی ہوگی۔

 میڈیا رپورٹس کے مطابق پُسرلا وینکٹا سندھو شادی کے کچھ وقت بعد اپنی ٹریننگ کا دوبارہ آغاز کریں گی،ان کے والد کا کہنا ہے کہ دونوں خاندان ایک دوسرے سے اچھی طرح واقف ہیں، شادی کا فیصلہ ایک ماہ کے اندر ہوا۔ بیٹی اور ان کے منگیتر نے شادی کی تاریخ کا انتخاب کیا کیونکہ سندھو اگلے سال شروع ہونے والے ایونٹس کی ٹریننگ اور مقابلوں میں مصروف ہو جائیں گی۔

مزید پڑھیں:محمد عرفان بھی انٹرنیشنل کرکٹ سے ریٹائرڈ

بھارتی میڈیا کے مطابق پُسرلا وینکٹا سندھو نے 2016ء کے اولمپکس میں چاندی اور 2020ء کے اولمپکس میں کانسی کا تمغہ جیتا تھا