(ویب ڈیسک)بھارتی اداکارہ مکیش کھنہ نے انکشاف کیا ہے کہ انہوں نے اپنے مشہور کردار’’شکتی مان‘‘ کے رائٹس خریدنے کی یش راج فلمز کی آفر ٹھکرا دی تھی۔
90 کی دہائی میں بھارت کی مشہور ٹی وی سیریل ’’شکتی مان‘‘ میں سپر ہیرو کا کردار ادا کرنے والے مکیش کھنہ کا کہنا ہے کہ وہ نہیں چاہتے کہ کوئی اسے ڈسکو ڈرامہ میں بدل دے۔
مکیش کھنہ نے ایک انٹرویومیں انکشاف کیاہے کہ یش راج فلمز کے آدیتہ چوپڑا کی ٹیم نے ان سے رابطہ کرکے پوچھا تھا کہ کیا وہ شکتی مان کے حقوق دے سکتے ہیں کیونکہ وہ شکتی مان پر فلم بنانا چاہتے تھے لیکن میں نے انہیں انکار کرتے ہوئے جواب دیاتھا کہ آدتیہ سے کہہ دو، چاہے وہ کوئی بھی ہو، اگر آپ یہ فلم بنانا چاہتے ہیں تو مجھے ساتھ لے کر بنائیں، میں نے یہ حقوق صرف اس لیے نہیں دینا کہ کوئی اسے ڈسکو ڈرامہ میں بدل دے۔
یہ بھی پڑھیں:ارچنا پورن سنگھ کا یوٹیوب چینل لانچ کے پہلے دن ہی ہیک ہوگیا
واضح رہے کہ دو سال قبل سونی پکچرز فلمز انڈیا نے رنویر سنگھ کے ساتھ شکتی مان فلم کا اعلان کیا تھالیکن حقوق کے مسئلے کی وجہ سے یہ منصوبہ پایۂ تکمیل کو نہ پہنچ سکا،اس اعلان کے بعد مکیش کھنہ نے ٹیم کو تنقید کا نشانہ بنایا اور کہا کہ وہ کاسٹنگ سے خوش نہیں تھے۔