اجمیر شریف درگاہ جاتےہوئے وین کو حادثہ،  14 زائرین جاں بحق 

(24 نیوز)بھارت کی ریاست آندھرا پردیش کے ضلع چتور سے  اجمیر شریف درگاہ جاتےہوئے زائرین سے بھری وین افسوسناک حادثے کا شکار ہو گئی جس کے نتیجے میں 14 افراد موقع پر ہی جاں بحق ہو گئے۔ جان بحق افراد میں 8 خواتین، 5 مرد اور ایک بچہ شامل ہیں جبکہ دیگر چار بچے زخمی ہوئے ہیں۔

میڈیا رپورٹس کے مطابق حادثہ  کرنول ضلع کے مدن پور گاؤں میں اْس وقت پیش آیا جب زائرین سے بھری وین ایک لاری سے ٹکرا گئی۔پولیس نے کہا کہ مدن پلی ٹاؤن سے تعلق رکھنے والے 18 افراد زیارت کیلئے اجمیر جا رہے تھے۔ راستہ میں وین کے ڈرائیور نے اچانک گاڑی کا توازن کھو دیا اور وین ڈیوائیڈر سے ٹکرانے کے بعد سڑک کی دوسری طرف ایک تیز رفتار لاری سے ٹکرا گئی۔ حادثہ اتنا خطرناک تھا کہ 14 افراد موقع پر ہی جان بحق ہو گئے۔ زخمیوں کو علاج کیلئے ہسپتال منتقل کر دیا گیا، جہاں ایک لڑکے کی حالت تشویشناک بتائی جاتی ہے۔