ٹگ وین بے قابو ہوکر پی آئی اے جہاز  سے  ٹکرا گئی

(24 نیوز)اسلام آباد انٹر نیشنل ایئرپورٹ پر ٹگ وین بے قابو ہوکر پی آئی اے  کےجہاز  سے جا ٹکرائی جس کے باعث قریب کھڑی  کیٹرنگ وین کو بھی نقصان پہنچا۔ ڈرائیور بے ہوش ہو گیا تھا۔

 تفصیلات کے مطابق اسلام آباد انٹر نیشنل ایئرپورٹ میں پی آئی اے کا ابوظہبی سے آنے والا طیارہ پارکنگ میں کھڑا تھا  کہ ایک بے قابو  ٹگ وین طیارے کے پچھلے حصے  سے جا  ٹکرائی، جس کے باعث پی آئی اے کیٹرنگ گاڑی کو بھی نقصان پہنچا۔بتایا گیا ہے کہ  ٹگ وین کا ڈرائیور اچانک بے ہوش ہوگیا تھا جس کی وجہ سے ٹگ وین بے قابو ہوکر جہاز اور قریب کھڑی کیٹرنگ وین سے جا  ٹکرائی۔ سول ایوی ایشن کی ٹیموں نے موقع پر پہنچ کر بے ہوش ڈرائیور کو ٹراما سینٹر منتقل کیا جسےابتدائی طبی امداد کے بعد اسلام آباد کے نجی ہسپتال میں منتقل کردیا گیا ہے، سول ایوی ایشن اتھارٹی نے واقعے کی تحقیقات کا آغاز کردیا ہے، پی آئی اے حکام نے متاثرہ جہاز کو اڑان نہ بھرنے کی ہدایت بھی کردی۔