سندھ کی 2 اور بلوچستان اسمبلی کی ایک نشست پر کل ضمنی انتخابات ہونگے

(24نیوز)پی بی 30 پشین، پی ایس 43 سانگھڑ اور پی ایس 88 ملیر میں پولنگ کے انتظامات مکمل۔پولنگ کل صبح 8 بجے سے شام 5بجے تک جاری رہے گی۔
تفصیلا ت کے مطا بق بلوچستان اسمبلی کا حلقہ پی بی 20 پشین تھری دو تحصیلوں سرانان اور حرمزئی پر مشتمل ہے۔ یہ نشست جے یو آئی ف کے رکن اسمبلی سیدفضل آغا کے انتقال کے باعث خالی ہوئی تھی۔
سندھ اسمبلی کے حلقہ پی ایس 43 میں ووٹرز کی کل تعداد ایک لاکھ 57 ہزار 210ہے، جن میں 88 ہزار 34 مرد، 69 ہزار 196خواتین ووٹرز ہیں۔ مجموعی طور پر سات امیدوار حصہ لے رہے ہیں۔ تاہم پیپلزپارٹی کے جام شبیر علی اور پی ٹی آئی کے مشتاق جونیجو اہم امیدواروں کے طور پر آمنے سامنے ہیں۔
کراچی کے ضلع ملیر کی صوبائی نشست حلقہ 88 میں پیپلز پارٹی اپنی نشست کا دفاع کرے گی جو صوبائی وزیر غلام مرتضیٰ بلوچ کے انتقال کے بعد خالی ہوگئی تھی۔