بہت جلد ٹیکس نادہندگان تک پہنچنے والے ہیں ۔وزیر اعظم عمران خان

(ویب ڈیسک)وزیراعظم کا کہنا تھا کہ 22 کروڑ لوگوں میں سے 20 لاکھ ٹیکس دیتے ہیں، بہت سے لوگ اچھا لائف اسٹائل گزار رہے ہیں مگر زیرو ٹیکس دیتے ہیں، بہت جلد ایسے لوگوں تک پہنچنے والے ہیں جو ٹیکس نہیں دیتے۔

 تفصیلات کے مطابق وزیراعظم نے ڈیجیٹل پیمنٹ سسٹم  راست  کے اجرا کی تقریب سے خطاب کرتے ہوئے  کہا ہے کہ  22 کروڑ عوام کسی بھی ملک کی بہت بڑی طاقت ہوتی ہے، دنیا میں آگے بڑھنے کیلئے ٹیکنالوجی سے فائدہ اٹھانا ہوگا، راست پروگرام عام آدمی کی سہولت کیلئے ہے، عوام کو ڈیجیٹل نظام کی جانب لے جانے کیلئے کوشاں ہیں۔

یو این ڈی پی رپورٹ کے مطابق خیبرپختونخوا میں غربت کم ہوئی، ہمیں خیبرپختونخوا میں اس لیے ووٹ ملے کیونکہ ہم نے وہاں غربت کم کی، پاکستان میں تھوڑی غربت کم ہوئی اسے کامیابی سمجھتا ہوں، امیر ترین ممالک میں بھی غربت میں اضافہ ہوا۔

یہ بھی پڑھیں: مصر میں ایک اور دل دہلا دینے والا واقعہ ۔۔۔دو شیزہ کی آٹھویں منزل سے کود کر خودکشی

قبل ازیں گورنر سٹیٹ بینک رضا باقر نے کہا کہ آج بینک لوگوں کو گھر بنانے کیلئے قرض فراہم کر رہے ہیں، وزیراعظم کا وژن ہے بینکاری نظام ہر طبقے کو میسر آئے، راست کے ذریعے ادائیگی چند سیکنڈز میں ہو جائے گی، راست فوری ادائیگی کا ایک نظام ہے، بینکاری ہر آدمی تک پہنچانے کیلئے راست بالکل مفت ہے، وزیراعظم نے ہمیشہ بینکنگ نظام بہتر بنانے کی ہدایت کی، اپنے موبائل فون نمبر کو راست کیساتھ رجسٹرڈ کرایا جاسکتا ہے۔

رضا باقر کا کہنا تھا کہ راست کو آپ اپنے بینک اکاؤنٹ کیساتھ لنک کرسکتے ہیں، راست میں کوئی پوشیدہ چارجز نہیں ہیں، راست ایپ انٹرنیٹ بینکنگ کے چینلز پر موجود ہے، راست پیمنٹ سسٹم ملک میں ادائیگیاں آسان بنائے گا، نیا پاکستان ہاؤسنگ اسکیم کے تحت بینکوں نے 131 ارب قرض کی منظوری دی۔

یہ بھی پڑھیں:    لڑکی کے واٹس ایپ اسٹیٹس پر ہنگامہ۔2خاندان لڑ پڑے۔خاتون جاں بحق