خانیوال: الکوحل کی اسمگلنگ ناکام، 3 ملزمان گرفتار
کیپشن: فائل فوٹو
سورس: گوگل
Stay tuned with 24 News HD Android App
(ویب ڈیسک) صوبہ پنجاب کے ضلع خانیوال میں سی آئی اے پولیس نے ایک کارروائی کے دوران الکوحل کی اسمگلنگ ناکام بنا دی۔
سی آئی اے پولیس کے مطابق کارروائی کے دوران 1 کروڑ روپے مالیت کی 9 ہزار 7 سو 50 لٹر الکوحل برآمد ہوئی جبکہ الکوحل کی اسمگلنگ میں ملوث 3 ملزمان کو بھی گرفتار کر لیا گیا۔
یہ بھی پڑھیے: بڑی واردات، ڈاکوؤں نےبینک عملے سے 9 کروڑ 10 لاکھ روپے چھین لیے
پولیس نے بتایا کہ گرفتار کیے گئے ملزمان کی شناخت محمد عارف، غلام عباس اور محمد یامین کے ناموں سے ہوئی ہے جبکہ الکوحل کے 325 کین اور 2 مزدہ ٹرک قبضے میں لیے گئے ہیں۔
پولیس نے مزید بتایا کہ ملزمان کے خلاف تھانہ کہنہ میں مقدمہ درج کرکے تفتیش کا آغاز کردیا گیا ہے۔